|
Varietal Selections |
|
|
 |
 |
|
|
Kaunlaran, Agriculure Magazine |
|
ANG NURSERY SA BUHAY NI KA BERNIE |
|
ni Marilou Angulluan Alejandro |
|
|
 |
| Si Ka Bernie Dizon sa kanyang nursery sa Central
Luzon State University (CLSU), Nueva Ecija at si Dr.
Teresito De Guzman Aguinaldo ng CLSU. Masayang
pinagmamalaki sa anim ang mga bunga ng Golden Queen
mango. |
Taong 1975 nang simulan ni Dr. Bernardo Dizon ang
nursery ng mga punong namumunga. Napagpasiyahan ni Ka
Bernie na magtayo na lamang ng nursery matapos
niyang maging Green Revolution Consultant ss Ministry of
Human Settlement (Housing Project) noong Marcos
administration. Sa proyektong ito, tinuruang magtanim
ng prutas ang mga nasa settlement areas.
Dahil dito, na-engganyo si Ka Bernie na magtayo at
gawin na kabuhayan ang nursery. At nagtagumpay nga
siya rito. Ipinagmamalaki niya na dito nanggaling ang
ikinabuhay at pinangtustos sa pag-aaral ng kanyang apat na
anak. At ngayon ay mga titulado na, meron siyang Doctor,
Agriculturist, Engineer at Business Administration
graduate.
Ang kanyang produksyon ng mga punla ay nasa Central
Luzon State University (CLSU) at Ninoy Aquino Parks &
Wildlife. Sa parehong lugar na ito, makabibili ng mga punong
namumunga. Itinuturo sa Wildlife ang tamang pag-aalaga ng
mga punong namumunga katulad ng pagdudugtong, pag-aabono,
pruning, top working at kung anu-ano pa.
Exotic fruit trees at mga prutas na galing ng ibang
bansa ang pinaparami ni Ka Bernie. Tinulungan siya ni Dr.
Teresito Aguinaldo ng CLSU na siyang nagdala ng scion
ng manggang Chokanan, Nam Doc Mai, at iba pang cultivar
galing Thailand. Samantalang si Dr. Pablito Pamplona naman
ang nagbigay ng longkong lanzones na ibinebenta noon sa
Manila Seeling Bank.
Ang mga halaman sa nursery ni Ka Bernie ay
namumunga taun-taon dahil double rootstock. Hindi
rin ito katulad ng ating normal na prutas na by nature
ay biennial fruiting o yung mamumunga ngayong taon
at sa susunod na taon ay magpapahinga.
PAGSISIMULA NG NURSERY
Ang pagpo-prodyus ng panamin ang kinakailangan sa
pagsisimula ng nursery. Importante na marunong kang
magpatubo o alam mo kung paano patubuin ang bawat buto.
Hindi kasi pare-pareho ang buto. Merong mga buto na
kailangang i-break ang dormancy period
bago tumubo. Meron din dyan na itapon mo lang sa tabi ay
tutubo na.
Iba't ibang paraan din ng pagpaparami ang ginagawa ni Ka
Bernie tulad ng; grafting, marcotting, topworking
at pruning. Sa panayam natin kay Ka Bernie ang
pinakakailangan sa pagsisimula ng nursery ay meron
kang mother tree. Makapagsisimula ka rin ng isang
nursery sa halagang sampung libo.
Ang paghihintay na mabuhay ang punla ang mahirap. Kaya ang
payo ni Dr. Bernie Dizon ay kailangan ng sipag at tiyaga.
Sa ngayon ang tanging pangarap na gustong maiwan ni Ka
Bernie ay ang maturuan ang bagong henerasyon na maisalin sa
kanila ang kanyang mga kaalaman sa paghahalaman. Libre niya
itong ibinabahagi sa mga nais matuto. Sa katunayan,
naumpisahan niya ito noong huling anim na buwan sa serbisyo
ni datiing Agriculture Secretary Procy Alcala. Ibinahagi
niya ang mga teknolohiya ng pagpaparami ng punla sa iba't
ibang rehiyon sa Pilipinas kasama ang Provincial / Municipal
Agriculturist. Ngayon ang mga sumama sa training
noon ay mayroon na ring sariling nursery.
Sa ngayon ay may natitira pang limang taon si Ka Bernie sa
kanyang kontrata sa Wildlife at apat na taon sa
Central Luzon State University (CLSU) upang makapagsanay ang
mga gustong matuto sa teknolohiya ng produksyon ng mga
punong namumunga.
Sa kanyang nursery sa Wildlife at CLSU ay
makikita ang iba't ibang klase ng prutas na namumunga. Hitik
sa bunga ang kanyang mangga, rambutan, lanzones, suha,
mangosteen, durian, kalamansi (iba't ibang klase),
macopa at grapes. Meron din siyang lychees at
guyabano. |
|
|
|
|
|
|
|
|
|
|
|
|
|
|
|
 |
|
CLSU-DIZON |
|
PROJECT |
 |
|
|
facebook