Home

Our Technology

Sales

Demo Centers

Varietal Selections CHICO CITRUS DURIAN GRAPES JACKFRUIT LANZONES LYCHEE LONGAN MACOPA MANGO MANGOSTEEN PUMMELO RAMBUTAN	Philippine Daily Inquirer, Thursday, December 7, 1995 Dalawang paalam Sa Kabukiran ni Jose G. Burgos Jr.        ANG pagtatanim ng puno ay isang pagsubok sa kakayahan at katiyagaan. Upang ang puno'y lumaki at lumago, lalo na ang mga namumunga ng prutas, taon din ng pagsusumikap ang binibilang ng isang nagtatanim. Anim na taon na nagsumikap si kasamang Bernie Dizon upang mapayabong ang mga punong prutas na kanyang itinanim sa isang bahagi ng Ninoy Aquino Parks sa North Avenue, Lungsod Quezon.      Ang mga punong ito, katulad ng durian, lanzones, santol, marang, makopa, rambutan, litsiyas at pomelo ay namumunga na at nagbibigay ng kaluwalhatian sa mga mamamayan na namamasyal sa parke.      Subalit ang mga punong ito ay maaaring alisin at ang lugar ay papatagin upang pagtayuan ng isang gusali ng Department of Environment and Natural Resources (DENR).      Tumanggap ako ng isang liham ng pagkabahala mula kay kasamang Bernie ukol sa balakin ng DENR na buwagin ang mga punong prutas na itinanim noong 1992 sa pamamagitan ng isang kasunduan ni Dizon at ng dating kalihim ng DENR na si Fulgencio Factoran Jr.      Ang nasabing lugar na natamnan ng mga sari-saring bungangkahoy ay 'di kasama sa kasunduan bilang "tree nursery," ngunit ayon kay Dizon binigyan siya ng pahintulot ng director ng Parks and Wildlife Bureau na siyang nangangasiwa ng liwasan.      Kung hindi babaguhin ang plano ng pagtatayo ng gusali, ang alternatibo ni Dizon ay hukayin ang mga puno at ilipat sa ibang lugar. Ngunit ito'y delikadong pamamaraan dahil malalaki na ang mga puno at ang pag-alis ng mga ito ay walang katiyakan na sila'y mabubuhay muli. Lalo na ngayon na parating na ang tag-araw at ang panahong ito ay napakaselan para sa mga puno.      "Nakikiusap ako sa pamunuan na kung maaari ay huwag nang galawin ang mga puno dahil ito naman ay pag-aari na ng DENR at ng mga mamamayan at magtayo na lang ng gusali sa ibang bahagi ng Ninoy Aquino Park dahil ito naman ay malawak pa," isiulat ni Dizon.      Sana'y pag-aralan mabuti ang pakiusap ni Ka Bernie Dizon at nananawagan na ri ako kay Kalihim Vic Ramos ng DENR na pakinggan ang pagsusumamo ni Dizon bago tuluyan tayong magpaalam sa mga kagiliw-giliw na bungangkahoy sa Ninoy Aquino Park.